РУСКИ КЕРЕСТУР – Пондзелок, 9. септембра отримана 6. порядна зум схадзка Управного одбору (УО) Фондациї Рутенорум (Fundatio Ruthenorum) на котрей були присутни: Борислав Сакач, предсидатель УО и члени Мирон Сабадош, Таня Арва Планчак и Юлиян Ковач.
Витворени и обгрунтовани шицки точки Дньового шора, а почало ше зоз прилапйованьом записнїку зоз прешлей схадзки котра була отримана концом прешлого року. Друга точка ше одношела на задзекованє Анити Ґовля на функцию управительки Фондациї пре приватни причини и звекшани обовязки и одвичательносци на стаємнєй роботи, як наведзене у Задзекованю.
Идуца точка Дньового шору ше одношела на предкладанє кандидатох за нового управителя Фондациї и з тей нагоди була предложена Сенка Мученски. Други предкладаня за кандидатох нє було. Окончене кратше представянє кандидатки котру шицки присутни потримали.
Єдногласно принєшена Одлука же ше за нову управительку вибера Сенка Мученски. Под точку Рижне нє було приявени теми, та зоз тим схадзка закончена.
The post Нова управителька Фондациї Рутенорум Сенка Мученски first appeared on Руске слово.