БЕОҐРАД – Нови предшедуюци зоз Координацию Националних совитох (НС) у Републики Сербиї будзе Национални совит горватскей националней меншини – одлучене на схадзки Координациї НС котра отримана 7. авґуста у Палати Сербия.
На схадзки були присутни представителє шицких националних совитох, а медзи нїма и предсидатель Националного совиту Руснацох Йоаким Рац.
Нови предшедуюци НС вибрани место потерашнього Националного совиту Ромох, а подпредшедуюци будзе Нацонални совит Бунєвцох.
На схадзки догварене же би Координация робела вельо озбильнєйше, найменєй же би мали 3-4 схадзки до рока, а по потреби и частейше. Догварене же би ше такой у септембру зишли на два днї и кажде же би на папер положел и свойо проблеми и успихи, же би ше направела заєднїцка платформа зоз хтору ше будзе наступац спрам висших орґанох власци.
The post Горватски национални совит предшедуюци з Координацию first appeared on Руске слово.