БЕОҐРАД – У Палати Сербиї 7. авґуста отримана схадзка Совиту за национални меншини у новим составе, з котру предшедовал министер за людски и меншински права и дружтвени диялоґ Томислав Жиґманов.
Присутни були представителє шицких националних совитох и ресорних орґанох котри члени Совиту. Национални совит рускей националней меншини представял предсидатель Йоаким Рац.
На схадзки потвердзена одлука на пред тим отриманей схадзки Координациї НС, о менованю нового предшедуюцого, а принєшена и одлука же би ше розписало Конкурс Буджетского фонду на 30 милиони динари а заступена будзе обласц култури.
Предсидатель Рац поволал нашо КУД-и, институциї и установи же би провадзели тот Конкурс и же би ше на час порихтали конкуровац зоз проєктами. У тексту конкурсу ше подробнєйше назначи хтори то обласци з култури годни буц заступени.
На схадзки Совиту за национални меншини потим представителє НС мали нагоди упознац членох Совиту зоз свою роботу, проблемами и потребами, та и предсидатель Рац винєсол нашо проблеми, поготов у обласци образованя и коло нєдостатку учебнїкох, а було бешеди и о других актуалносцох у роботи националних совитох.
The post Совит за национални меншини у новим составе first appeared on Руске слово.