РУСКИ КЕРЕСТУР – Нєшка, 18. фебруара, будзе отримана дзешата схадзка Одбору за културу Националного совиту Руснацох (НСР). Схадзка почнє на 17 годзин у просторийох Националного совиту Руснацох (Замок).
На схадзки Одбору ше будзе прилапйовац записнїки зоз прешлих схадзкох, будзе поднєшени Звит о роботи у 2024. року и принєшє ше План роботи Одбору у 2025. року. Тиж ше будзе анализовац отримани манифестациї зоз Календара репрезентативних манифестацийох у 2024. року.
Одбор за културу на схадзки розпише Конкурс за орґанизованє манифестацийох у обласци защити нєматериялного културного нашлїдства и уметнїцкей творчосци Руснацох у 2025. року, а и утвердзи ше термини отримованя манифестацийох и фестивалох зоз Календара репрезентативних манифестацийох Руснацох.
The post Нєшка Одбор за културу НСР first appeared on Руске слово.