НОВИ САД – Ютрейша схадзка Одбору за образованє пре обєктивни причини почнє на 17 годзин, а нє на 16,00, як наявене.
На Дньовим шоре буду 12 точки, а окрем розпатраня Звита о роботи за прешли рок и Плана роботи у 2024. року, буду и догварки о активносцох вязаних за уписованє дзецох до руских ґрупох у оводох у Коцуре и Дюрдьове, упису до 1. класи основней школи и до Ґимназиї на руским язику. Тиж ше будзе бешедовац о порушованю виборней настави руского язика у Суботици, о орґанизованю Лєтней школи руского язика у Попраду, екскурзийох школярох руских оддзелєньох и стретнуцу руских школох.
Схадзку Одбора за образованє зволала його предсидателька Олена Папуґа и будзе отримана, 13. фебруара у просторийох Завода за културу войводянских Руснацох (Матици сербскей 15) у Новим Садзе.
The post Схадзка Одбору за образованє будзе ютре на 17 годзин first appeared on Руске слово.