РУСКИ КЕРЕСТУР – Национални совит (НС) рускей националней меншини тих дньох дал позитивне думанє за руски оддзелєня у основних школох у Коцуре и Дюрдьове зоз меншим числох школярох як 15, цо предвидзене зоз Законом о основним и штреднїм образованю. Согласносц НС дал и за формованє оддзелєня I класи ґимназиї на руским наставним язику у Штреднєй школи „Петро Кузмяк” у Руским Керестуре, дзе ше уписали 10 школяре.
Согласносц котра законска обовязка НС до ОШ „Йован Йованович Змай” у Дюрдьове дата за оддзелєня у пиятей и осмей класи котри маю менєй як 15 школярох. Цо ше дотика ОШ „Братство єдинство” з Коцура согласносц глєдана и достата за оддзелєня з руским наставним язиком од другей по осму класу, дзе єст од штири по седем школярох цо тиж менше число як зоз законом предвидзене.
The post Дата согласносц за менши оддзелєня по руски first appeared on Руске слово.