национални совит руснацох
Найвисши орґан меншинскей самоуправи
Национални совити националних меншинох у Републики Сербиї исную з цильом витворйованя правох националних меншинох, насапредз у култури, образованю, информованю, як и у службеним хаснованю язика и писма. Снованє Националних совитох як меншинских самоуправох оможлївене у правней системи Републики Сербиї 2002. року.
Националне швето Руснацох
шид 2020
ШВЕТОЧНА АКАДЕМИЯ
У сали Културно Образовного Центру у Шиду, 18. януара, отримана тринаста по шоре Централна преслава з нагоди Националного швета Руснацох у Сербиї.
ГОСЦИ
Академию провадзели предсидатель Покраїнскей влади АП Войводини Иґор Мирович, предсидатель Националного совиту Руснацох Борислав Сакач и члени НС, преосвящени епарх кир Георгий Джуджар и священїки, амбасадор України Олександар Александрович, представнїки делеґациї Руснацох зоз Горватскей, Словацкей, Польскей, Закарпатскей обласци України, представнїки Општини Шид и наших институцийох, народни посланїки, як и други госци.
СЛУЖБА Божа
Централна преслава Националного швета Руснацох у Сербиї почала з Архиєрейску благодарну Службу Божу у Церкви Преображеня Господнього у Шидзе, хтору предводзел наш епарх кир Георгий Джуджар.
Вистава
У рамикох Централней шветочносци означованя Националного швета, у голу Општини Шид отворена вистава малюнкох зоз потерашнїх подобових колонийох „Руски двор“ и фотоґрафийох Ивони Торма Джамич под назву „Шидянски фарби и форми“.
Етно-Стол
Провадзаци змист програми означованя Националного швета бул и Етно стол хтори порихтани у Руским доме, односно у сали КПД „Дюра Киш“. Рижни традицийни руски єдла и специялитети порихтали жени зоз Здруженя женох „Маря“ хторе роби у рамикох КПД „Дюра Киш“.
ШВЕТО ПО МЕСТОХ 2020
Ґалерия сликох зоз централней преслави
Руска тастатура (Windows OS)
Руску тастатуру можеце зняц зоз шлїдуюцого линку:
Руска тастатура (Download)
Руска тастатура (ANDROID)
За потримовку рускей тастатури на Aндроиду потребно инсталовац AnySoftKeybaord aplikaciju.
После успишней инсталациї потребно инсталовац додаток за руски язик зоз шлїдуюцей адреси або на другей адреси. Инсталация ше роби так же ше апк файл зачува на телефону и вецка ше го поруша, односно поруша ше инсталацию. Потребно дошлєбодзиц инсталацию гоч вас телефон спозори же є нє подписана апликация и же єй нєпознати автор. Док нє прейдзе звичайну процедуру так можеце хасновац руску тастатуру за Андроид.
- Министерство за людски и меншински права, державну управу и локалну самоуправу
- Министерство присвити и науки
- Министерство култури, информованя и информацийного дружтва
- Влада Автономней Покраїни Войводини
- Защитнї гражданох – омбудсман
- Покраїнски омбудсман
- Адресар националних совитох националних меншинох