НОВИ САД – Зоз буджету АП Войводини и того року видвоєни 90 милиони динари за софинансованє националних совитох, контракти о тим подписани стреду 11. марца у Покраїнскей влади, а спред Националного совиту Руснацох подписованю присуствовал предсидатель Стеван Самочета.
Контракти представнїком 17 националних совитох зоз шедзиском на териториї Автономней покраїни Войводини, медзи котрима и Национални совит рускей националей меншини, уручели подпредсидатель Покраїнскей влади и покраїнски секретар за образованє, предписаня, управу, и национални меншини – национални заєднїци Роберт Отот и предсидатель Скупштини АП Войводини Балинт Югас.
Средства котри опредзелєни националним совитом того року исти як и прешлого року, лєм же прешлого року на перши завод подзелєни 80 милиони динари, а потим ище 10 розподзелєни зоз ребалансом буджету, док того року такой подзелєни 90 милиони динари. Национални совит рускей националней меншини на тот завод достал 4,4 милиони динари.
The post Додзелєни контракти за финансованє националних совитох first appeared on Руске слово.