НОВИ САД – На соботовей конститутивней схадзки Роботного цела за младих, отриманей у Заводу за културу войводянских Руснацох, и урядово почало робиц тото цело Националного совиту Руснацох.
Схадзку отворел предсидатель Роботного цела за младих Дарко Заґорац, а за його заменїка вибрани Петро Хромиш зоз Дюрдьова.
Члени на схадзки по дньовим шоре спатрали дїялносц Цела у 2025. року, алє принєсли и план роботи за тот рок, котри годни реализовац з буджетом од 400.000 динари.
Найважнєйша точка на схадзки було розписованє Конкурса за софинансованє младежских проєктох у рускей заєднїци у 2026. року, а котри тирва од нєшка, 1. юния, по 1. юлий.
Члени того зволаня Роботного цела за младих то Дарко Заґорац, Петро Хромиш, Адрияна Фейди, Михайло Ждиняк, Александар Ґнип, Алексей Кухар, Марко Раїч, Срдян Ґовля, Йована Стрибер и Мартина Уйфалуши.
The post Конституоване Роботне цело за младих first appeared on Руске слово.