РУСКИ КЕРЕСТУР – Роботне цело за младих розписало Кoнкурс за софинансованє младежских проєктох у рускей заєднїци – 2025, хтори отворени од 30. мая по 18. юний 2025. року.
Проєкт треба же би бул унапрямени на руску заєднїцу и младих у нєй. Идея може буц рижна, а важне же би ю реализовали и орґанизовали млади и же би була повязана зоз єдну од штирох цильних обласцох националного совиту рускей националней меншини: култура, образованє, информованє, службене хаснованє язика и писма.
На конкурс ше можу приявиц особи од 15 до 35 роки, и у тиму треба же би були найменєй тройо.
Кажди проєкт треба же би бул приявени спред даєдного формалного здруженя, културно-уметнїцкого дружтва (КУД), лєбо нєвладовей орґанизациї (НВО). Приявиц мож найвецей три проєкти по конкурсним термину.
Вецей информациї мож достац на меил rcmladez@gmail.com, а цали текст конкурсу мож опатриц на тим линку.
Прияву на Конкурс треба превжац зоз сайту Националного совиту Руснацох.
Конкурс отворени од 30. мая по 18. юний, а резултати мож обчековац коло 25. юния.
Проєкти треба плановац так же би активносци були закончени по 15. децембер 2025. року.
The post Роботне цело за младих розписало Конкурс за софинансованє проєктох first appeared on Руске слово.