РУСКИ КЕРЕСТУР – Вчера, 22. януара прейґ ЗУМ платформи отримана порядна 28. схадзка Националного совиту Руснацох (НСР) на хторей прилапени шицки точки дньового шора.
На дньовим шоре було даванє думаня на Програму роботи Заводу за култури войводянских Руснацох (ЗКВР) у 2025. року, потим даванє думаня на Финансийни план тиж ЗКВР у 2025. року, та приношенє одлуки о Звиту ревизиї финансийного дїлованя Националного совиту Руснацох у 2023. року, и приношенє одлуки о даваню потримовки Вимоги Мирослава Парошкая же би термин унияти бул заменєни зоз грекокатолїки у будуцим словнїку Матици сербскей.
Схадзку водзел предсидатель НСР Йоаким Рац, а уключели ше и члени – Желько Ковач, Микола Кухар, Стеван Самочета, Славиша Сабадош, Сашо Палєнкаш, Наташа Еделински Миколка, Славица Катона, Микола Папуґа, Деян Загорянски.
Присуствовал и директор ЗКВР Саша Сабадош и секретар НСР Таня Арва Планчак.
The post Прилапена Програма роботи и Финансийни план Заводу first appeared on Руске слово.