СУБОТИЦА – Явна годзина руского язика у рамикох виборней настави була отримана всоботу, 5. априла, у ОШ „Иван Ґоран Ковачич”. Штернацецеро школяре и їх учителька Мая Дюмич привитали представнїкох Националного совиту и НВУ „Руске слово”.
Спред Националного совиту, школярох и їх родичох привитал предсидатель Йоаким Рац и предсидатель Вивершного одбору Славиша Сабадош, як и Олена Папуґа предсидателька Одбору за образованє НС.
Зоз НВУ „Руске слово” на явну годзину пришол директор Бориса Варґа и главна редакторка Часопису за дзеци „Заградка” Ясмина Дюранїн котра за дзеци обдумала и вєдно з нїма реализовала креативну роботню. На концу, представнїки Руского слова, школяром и учительки подаровали найновши виданя дзецинских кнїжкох и дзецинского часопису.
Медзи школярами була и Духна Паланчаи котра одрецитовала стихи писнї „Дзивчатко” авторки Меланиї Римар, писню зоз котру участвовала на Зонскей смотри рецитаторох.
The post Всоботу була явна годзина руского язика first appeared on Руске слово.