НОВИ САД – На своєй 7. порядней схадзки Управни одбор (УО) Фондациї „Fundatio Ruthenorum” прилапел звити о роботи и финансийох Фондациї за прешли рок, а тиж и плани активносцох и финансованя за 2025.
Схадзка отримана прейґ ЗУМ платформи, водзел ю предсидатель УО Борислав Сакач, а присутни були и члени Таня Арва Планчак, Юлиян Ковач и Мирон Сабадош, и шицки одлуки принєшени єдноґласно. На схадзки була присутна и нова управителька Фондациї Сенка Мученски.
Як визначене у звитох пре нєвитворени прилїв финансийних средствох у прешлим року Фондация нє могла витвориц свойо програмски плани, конкуровало ше з проєктами на трох уровньох, алє проєкти нє прилапени, а нє сцигли средства анї зоз Националного совиту рускей националней меншини.
Фондация у финансийним плану за 2025. рок будзе поглєдовац средства за надополнєнє утрошених оперативних средствох у 2024. а тиж и у 2023. року.
The post Схадзка УО Фондациї „Fundatio Ruthenorum” first appeared on Руске слово.