КОЦУР – И того року, у орґанизациї Одбору за образованє Националного совиту Руснацох, 37 школяре штвартей класи Основней школи „Петро Кузмяк” з Руского Керестура, вчера, 7. юния були на вилєту у Коцуре.
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-4-large.jpg)
З нїма були їх учительки Любица Бучко и Ясминка Сабадош, и предсидателька Одбору за образованє Олена Папуґа. Як то уж вецейрочна традиция, домашнї им були школяре нїзших класох Основней школи „Братство єдинство” з Коцура и їх учительки Славка Хромиш, Ксения Медєши, Валерия Папуґа и Лидия Будински.
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-11-large.jpg)
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-17-large.jpg)
Шицки вєдно окрем у Школи, були нащивиц музейну хижу Одняте од забуца, дзе их привитала и представела збирку Рада Лазор, а тиж ше вєдно дружели з руску шпиванку. Потим нащивели и Грекокатолїцку церкву Успения Пресвятей Богородици дзе их дочекал парох о. Владислав Рац и упознал зoз историю церкви и парохиї.
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-25-large.jpg)
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-27-large.jpg)
Домашня школа окрем з фриштиком шицких школярох почасцела и зоз сладолядом, а циль вилєту витворени, бо тиж витворени и нови товаришства з тих двох найвекших руских местох.
![](https://www.ruskeslovo.com/wp-content/uploads/2024/06/2024-06-07-Kocur-viljet-skoljare-zoz-RK-OLP-21-large.jpg)
The post Керестурски школяре на вилєту у Коцуре (фото+видео) first appeared on Руске слово.