Записнїк з першей порядней схадзки

ЗАПИСНЇК ЗОЗ 1. ПОРЯДНЕЙ СХАДЗКИ НАЦИОНАЛНОГО СОВИТУ РУСНАЦОХ
отриманей у Руским Керестуре 17.11.2014. року

Перша порядна схадзка Националного совиту рускей националней меншини отримана пондзелок, 17.11.2014. року з початком на 18,40 годзин у Руским Керестуре. На схадзки були присутни 19 члени Националного совиту: Славко Рац, Мирон Сабадош, Наташа Регак, Йовґен Мудри, Микола Ґубаш, Олена Папуґа, Гелена Пашо Павлович, Владимир Олеяр, Мелания Римар, Желько Ковач, Ґабриєла Саянкович, Тихомир Фейди, Юлиян Ковач, Миломир Шайтош, Наташа Макаї-Мудрох, Микола Шанта, Мирослав Кевежди, Микола Медєши и Сашо Сабадош.
Схадзку отворел предшедуюци роботного предсидательства Йовґен Мудри. Констатовал же присутни шицки 19 члени националного совиту и же постої кворум за роботу. Предшедуюци предложел шлїдуюци

Дньови шор:

1. Вибор предсидателя Националного совиту Руснацох
2. Рижне

Таки дньови шор прилапени зоз векшину од 13 глааси, процив були 6, а стриманих нє було.

Точка 1.
Предшедуюци одредзел павзу од 5 минути же би ше предложело кандидатох за предсидателя Националного совиту Руснацох. Прияву ше придава у писменей форми и муша ю подписац найменєй єдна трецина членох Националного совиту, односно найменєй седем члени.
Прияви поднєсли:

- Славко Рац
- Олена Папуґа

Предшедуюци отворел розправу.
Кандидат за предсидателя Националного совиту Славко Рац представел членом свой план роботи.
У розправи участвовали: Мирослав Кевежди, Микола Ґубаш, Славко Рац, Микола Медєши, Йовґен Мудри, Олена Папуґа и Миломир Шайтош.

Кандидатка за предсидателя Националного совиту Олена Папуґа представела членом свой план роботи.
У розправи участвовали: Мирослав Кевежди, Миломир Шайтош, Славко Рац, Микола Ґубаш и Микола Медєши.

Предшедуюци предложел же би ше предсидателя Националного совиту виберало зоз явним гласаньом. Тото предкладанє прилапене зоз 11 гласами „за”.
За кандидата Славка Раца гласали 11 члени, за кандидатку Олену Папуґа 7 члени, а єден член бул стримани.

Констатоване же Славко Рац вибрани за предсидателя Националного совиту рускей националней меншини.

Схадзка закончена на 20,25 годзин.

записнїчар предшедуюци Роботного предсидательства
Наташа Регак Йовґен Мудри