Уводне слово

Руснаци у Републики Сербиї маю, як и други припаднїки националних заєднїцох, можлївосци чувац и розвивац свой национални идентитет у обласцох хтори им Устав и одвитуюци закони ґарантую. Руска заєднїца ма вибудовану систему ношацих институцийох у штирох обласцох у хторих ма ґарантовани права у очуваню културней традициї, язика, образованя и информованя. Тоти институциї и установи вибудовани у нєпреривним намаганю руских творительох, преднякох и шицких припаднїкох заєднїци же би ше досягли найвисши стандарди у очуваню власней духовносци и єй повязованю зоз духовносцу народох и националних заєднїцох зоз хторима ше виками жиє у тутейшим окруженю.