Одлуки и заключеня з Еелектронскей схадзки - 9-10. юлий 2015.

Число: 185/15
Датум: 09.07.2015.

 

1. Предкладанє кандидата за члена Управного одбору Дому култури Руски Керестур

 

У складзе зоз членом 9 пасус 2 Одлуки о снованю Дому култури Руски Керестур („Сл. лїст општини Кула” число 17/2012), Национални совит рускей националней меншини принєсол:

Одлуку

Национални совит рускей националней меншини предклада Желька Ковача зоз Руского Керестура за члена Управного одбору Дому култури Руски Керестур.

 

2. Даванє думаня о предложених кандидатох за членох Управного одбору Дома култури Руски Керестур

У складзе зоз членом 9 пасус 3 Одлуки о снованю Дому култури Руски Керестур („Сл. лїст општини Кула” число 17/2012), Национални совит рускей националней меншини принєсол

Одлуку:

Национални совит рускей националней меншини дава позитивне думанє о кандидатох за членох Управного одбору Дому култури Руски Керестур, предложених з боку локалней самоуправи:
 Владимир Олеяр,
 Янко Николич,
 Янко Варґа и
 Мудри Янко.

 

3. Предкладанє кандидата за члена Надпатраюцого одбору Дому култури Руски Керестур

У складзе зоз членом 11 пасус 2 Одлуки о снованю Дому култури Руски Керестур („Сл. лїст општини Кула” число 17/2012), Национални совит рускей националней меншини принєсол

Одлуку:

Национални совит рускей националней меншини предклада Снежанку Сабо зоз Руского Керестура за члена Надпатраюцого одбору Дому култури Руски Керестур.

 

4. Предкладанє кандидатох за членох Школского одбора Основней и штреднєй школи зоз домом школярох "Петро Кузмяк" у Руским Керестуре

У складзе зоз членом 54 пасус 5 Закона о основох системи образованя и воспитаня („Сл. глашнїк РС” число 72/09, 52/11 и 55/13) и членом 12 пасус 1 Закона о националних совитох националних меншинох („Сл. глашнїк РС” число 72/09, 20/14-одлука УС и 55/14), Национални совит рускей националней меншини принєсол

Одлуку:

Национални совит рускей националней меншини за членох Школского одбору Основней и штреднєй школи зоз домом школярох "Петро Кузмяк" у Руским Керестуре предклада шлїдуюцих кандидатох:

 Ярослава Еделински, психолоґ з Руского Керестура
 Мария Стрибер, наставнїца класней настави з Руского Керестура
 Владимир Варґа, дипломовани економиста з Руского Керестура.

 

Национални совит Руснацох
Славко Рац, предсидатель