На другей схадзки Одбору за културу и о културних доброх значних за руску заєднїцу

Култура

Одбор за културу Националного совиту Руснацох (НС) 21. марца отримал свою другу порядну схадзку у тим зволаню, а на дньовим шоре було и приношенє Предкладаня о рухомих и нєрухомих културних доброх хтори окреме значни за руску националну меншину у Сербиї.

Пририхтованє Округлого столу о Националней стратеґиї Руснацох и Поглявю 23

Стратеґия

Роботне цело за науку Националного совиту (НС) Руснацох почало пририхтованє за отримованє Округлого столу о Националней стратеґиї Руснацох у Сербиї по 2020. рок. У тим напряме, 17. марца у Заводзе за културу войводянских Руснацох отримана схадзка Роботней ґрупи (основаней при Роботним целу за науку) за пририхтованє Округлого столу о Стратеґиї Руснацох по 2020.

Активносци Одбору за образованє у тим року

Образованє

Одбор за образованє Националного совиту (НС) Руснацох и у тим року орґанизує вецей подняца, як цо то акредитовани Семинар за просвитних роботнїкох, Стретнуце предшколских дзецох, приход школярох з наших местох на Драмски мемориял до Руского Керестура, та Лєтню школу за руских школярох - утвердзене на другей порядней схадзки Одбору, хтора 27. фебруара отримана у Руским Керестуре.

Финансийни план зменшани за прейґ 890 тисячи

НС

Финансийни план Националного совиту (НС) Руснацох за 2016. рок зменшани за вєдно 891 282 динари, одлучене на схадзки Совиту зволаней по наглим поступку, хтора 26. фебруара отримана у Новим Садзе, у просторийох Руского културного центру. Место першобутного буджету планованого на 13 милиони 143 131, финансийни план НС за 2016. рок тераз виноши 12 милиони 251 849 динари.

Активносци Роботного цела за младеж

Млади

Млади представителє Националного совиту (НС) Руснацох, односно його Роботного цела за младеж, 10. фебруара школяром руских оддзелєньох Ґимназиї „Петро Кузмяк” у Руским Керестуре представели роботу НС-у и функционованє його одборох, пододборох и роботних целох, з акцентом на Роботне цело за младеж.

Националному совиту з републичного буджету 9,2 милиони динари

БҐД

За финансованє роботи националних совитох националних меншинох у Сербиї у тим року з буджету Републики видвоєни 245 милиони динари, виявела 12. фебруара, после схадзки з представителями националних совитох (НС) националних меншинох, директорка Канцелариї за людски и меншински права Сузана Паунович.

У авґусту представянє Руснацох у Беоґрадзе

ВО

На седмей схадзки Вивершного одбору (ВО) Националного совиту (НС) Руснацох, отриманей 9. фебруара у просторийох Заводу за културу войводянских Руснацох (ЗКВР) у Новим Садзе, винєшене же у авґусту того року плановане представянє Руснацох у Етноґрафским музею у Беоґрадзе.

Кoнкурс за софинансованє младежских проєктох у рускей заєднїци

Кед маш идею як унапредзиц дацо у твоїм краю, як ришиц даяки проблем, витвориц потребу хтору ма твоя заєднїца, лєбо єдноставно обдумаш добри способ на хтори ти и екипа препровадзице шлєбодни час, вец конкурс за младежски проєкти у рускей заєднїци права ствар за тебе!

У Кули отримана Централна шветочносц означованя националного швета Руснацох у Сербиї

Дзевяте означованє 17. януара, националного швету Руснацох у Сербиї, односно його Централна шветочносц того року орґанизована и отримана у Кули, всоботу, 16. януара.

Националне швето означене и у подручних канцеларийох

Националне швето Руснацох и того року означене у подручних канцеларийох (ПК) Националного совиту (НС), так же од 15. по 18. януар у ПК, односно у културно-уметнїцких (просвитних) дружтвох отримани пригодни програми и коктели за госцох, на хторих предкладани и нашо традицийни єдла.

Винчованка за швета

НС винчує швета

Шицким нашим орґанизацийом, здруженьом и установом, шицким Рускиньом и Рунацом и шицким людзом з котрима жиєме и котри нас почитую - щешлїви благословени крачунски и новорочни швета жичи Национални совит Руснацох.
Национални совит шицким жада вельо здравя и успиху у роботи и вельо причини за особне щесце и задовольство у Новим 2016. року.

Отримана електронска схадза НС

Отримана електорнска схадзка НС

Число: 367/15
Датум: 26.12.2015.

У складзе зоз членом 11 пасус 2 Дїловнїка о роботи Националного совиту рускей националней меншини, заказуєм

Електронску схадзку

Електронска схадзка ше отрима у периодзе од 26. децембра по 12,00 годзин 28. децембра 2015. року.

У складзе зоз членом 11 пасус 3 Дїловнїка о роботи утвердзуєм

Прилапени План роботи и Финансийни план Националного совиту за 2016. рок

НС1

На своєй шестей порядней схадзки у тим зволаню, Национални совит (НС) Руснацох 5. децембра прилапел План роботи и Финансийни план Совиту за наступни рок, а дал думаня, односно согласносци на плани-програми роботи и финансийни плани установом хторим є соснователь и снователь - Заводу за културу войводянских Руснацох (ВР) и НВУ „Руске слово”.

Борис Фейди нови член Националного совиту

Борис Фейди, други з лїва

Национални совиту (НС) Руснацох всоботу, 5. децембра, на своєй шестей схадзки констатовал же нови член Совиту Борис Фейди, з лїстини „Млади за будучносц”.

Pages