Почало адаптованє Дому Руснацох у Коцуре

Коцур

У Коцуре 20. юлия почали роботи на адаптованю просторийох у хторих будзе шедзиско Подручней канцелариї Националного совиту (НС) Руснацох у тим месце. До адаптованя буду уложени 6 000 еври, а плановане же роботи буду закончени на єшень.
Оправянє започало з подрезованьом влаги (мурох), цо окончує подприємство „Гидроизолация Живанович” зоз Зомбора. Ушлїдза мулярски, малярски, кломферски роботи и поставянє електроичней инсталациї.
Початок роботох на Доме Руснацох, як є наволани, обишол и предсидатель  Националного совиту Руснацох Славко Рац, котри з предсидательом Подручней канцелариї Миколом Ґубашом опатрел просториї и бешедовал з вивозачами роботох.
Предсидатель НС Славко Рац з власнїком просторийох початком юлия подписал контракт о закупу того будинку на 75 и вецей мешаци, а кирия будзе срозмирна уложеному пенєжу до адаптованя.