Национални совит придал комби-превозку Руснацом у шидскей општини

Шид

По осмей схадзки Националного совиту (НС) Руснацох, представителє Совиту восботу, 14. мая, Руснацом у шидскей општини придали на хаснованє комби-превозку „фолксваґен” з осем шедзисками (плус место за вожача), хтора будзе хаснована за рижни транспортни потреби у обласци култури, просвити, та и духовного живота Руснацох у Шидзе, Бикичу, Бачинцох и Беркасове.
Ключи комбия подпредсидательки НС и координаторки Подручней канцелариї НС у Шидзе Наташи Еделински Миколка придал предсидатель Вивершного одбору НС Желько Ковач.
На пригодней шветочносци з тей нагоди у Лєтнєй владическей резиденциї присуствовали и предсидатель НС Славко Рац, члени НС Юлиян Ковач и Ґабриєла Саянкович, котра и предсидателька Одбору за културу НС, предсидателє КУД у наших сримских местох - Златко Манько зоз Шиду, Деян Бобаль з Бикичу и Владимир Джуня з Бачинцох, як и други Руснаци зоз Сриму.