Дружтво Руснацох достало просториї, потребна пенєжна помоц за їх оправянє

Суботица

Дружтво Руснацох у Суботици од Городу Суботица достало други просториї на хаснованє, у улїци Милоша Обилича ч. 6 и стреду, 11. мая, у нїх отримана и схадзка Управного одбору Дружтва.
Як констатоване на схадзки, на хторей присуствовали и предсидатель Вивершного одбору Националного совиту Руснацох Желько Ковач и секретар Совиту Таня Арва Планчак, просториї на добрим месце у Суботици, алє су барз девастовани, бо предходни закупец того простору поодношел шицко цо могло, аж и електрични утикачи, гарла за грушки, часци санитарного ґузлу и друге. Прето потребне значне адаптованє простору, за цо Дружтво Руснацох у Суботици тераз нє ма средства, так же на Управним одборе порадзенє же би ше явно поволало шицких поєдинцох добрей дзеки, установи и институциї, же би им финансийно помогли за тоту намену.
Средства мож уплациц на рахунох Дружтва - 160-18977-84, Банка Интеза, з наглашеньом - помоц за адапрованє просторийох.