Друге зволанє Националного совиту (2004-2010)

На Позарядовей електорскей скупштини рускей националней заєднїци у Сербиї и Чарней Гори, хтора отримана 30. октобра 2004. року, вибране друге зволанє Националного совиту Руснацох, од 18 членох. Позарядова електорска скупштина отримана  у Руским Керестуре, а на нєй були 57, од верификованих 72 електорох.
Позарядова електорска скупштина мала два часци – протоколарну и роботну. У Протоколарней часци Скупштини бешедовал предсидатель Инициятивного одбору за зволованє и Орґанизацийного одбору за пририхтованє Позарядовей електорскей скупштини рускей националней заєднїци Михайла Варґи,  предсидатель Рускей матки.

СКУПШТИНА, ЛЇСТИНА И НАЦИОНАЛНИ СОВИТ

На Позарядовей електорскей скупштини верификовани 72 електоре зоз шицких местох дзе жию Руснаци. Векшина з нїх, 56 електоре, тот статус витворели з по 100 подисами своїх согражданох, 11 були представнїки руских дружтвених орґанизацийох и 5 одборнїки у скупштинох локалних самоуправох. На Скупштини були 57 електоре.
Ношитель лїстини нових членох Совиту и кандидат за предсидателя Националного совиту Руснацох бул Славко Орос, директор Дому култури Руски Керестур.
До нового Националного совиту вибрани:

1. Славко Орос, директор Дому култури, Руски Керестур

2. Татяна Бучко Рац, директорка Основней школи и Ґимназиї "Петро Кузмяк" з Руского Керестуре, Р. Керестур
3.  Ирина Олеяр, руководителька керестурского оддзелєня Школи за основне музичне образованє у Кули, Р. Керестур
4.  Владимир Надь Ачим, директор РНТ "Петро Ризнич Дядя", Р.Керестур
5. Йоаким Рац Мими, хореоґраф и уметнїцки руководитель у Доме Култури, Р.Керестур
6. Ксения Миячич, о.д. директорака Информативно-пропаґандного центра "Кула", Р. Керестур
7. Янко Хома, одвичательни редактор Рускей редакциї Радио-Нового Саду, Н. Сад
8. Ярослав Сабол, новинар, Н. Сад
9. Владимир Сивч, директор РКПД, Н. Сад
10. Ксения Медєши, директорка ОШ "Братство-єдинство", Коцур
11. Славица Бесерминї приватна поднїмателька, Коцур
12. Микола Сакач, член КУД "Жатва", Коцур
13. Мирослав Чакан, предсидатель КУД "Тарас Шевченко", Дюрдьов
14. Наташа Холошняй, вироучителька, Дюрдьов
15. Звонко Сабо, адвокат, Вербас
16. Юлиян Ковач, подпредсидатель КПД "Дюра Киш", Шид
17. Ксения Палатинус, предсидателька Дружтва Руснацох у Суботици, Суботица
18. Сенка Славчев, професорка класней настави у Новим Орахове, Н. Орахово.

За предсидателя Националного совиту Руснацох вибрани Славко Орос, за подпредсидательох вибрани -Татяна Бучко Рац, за обласц образованя, Ирина Олеяр, за обласц култури, Ярослав Сабол, за обласц информованя и Звоинко Сабо, за обласц службеного хаснованя язика и писма. За секретара НС вибраниЙокаим Рац Мими. Подпредсидателє НС були источасно и предсидателє штирох фахових одборох, за обласци над хторима НС ма компетнециї.